Кукля́нка — рака ў Ваўкавыскім і Бераставіцкім раёнах Гродзенскай вобласці, правы прыток ракі Свіслач (басейн Нёмана). Даўжыня 14 км[1]. Плошча вадазбору 72 км². Сярэдні нахіл воднай паверхні 1,8‰. Пачынаецца за 2 км на паўночны ўсход ад вёскі Кукалкі Ваўкавыскага раёна, цячэ па паўднёвай ускраіне Ваўкавыскага ўзвышша, упадае ў Свіслач на паўднёвы ўсход ад вёскі Дзевяткі Бераставіцкага раёна. Прыток — рака Норка (справа). На працягу 7 км каналізаваная (ад вытоку да аграгарадка Кватары).