Крыштаф Рудаміна-Дусяцкі (? — 1655) — дзяржаўны дзеяч Вялікага Княства Літоўскага. Кашталян полацкі (1645—1654), ваявода менскі (з 1654).
Паходзіў з роду Рудамінаў-Дусяцкіх герба «Трубы», сын браслаўскага войскага Яна Рудаміны-Дусяцкага. Вучыўся ў Віленскай акадэміі, Марбургскім і Падуанскім універсітэтах.
Удзельнік вайны Рэчы Паспалітай са Швецыяй 1600—1629, з Расіяй 1609—1618 і 1654—1667, Хацінскай бітвы 1621.
Маршалак браслаўскі ў 1630—1645, кашталян полацкі ў 1645—1654, ваявода менскі з 1654; пасол на соймы 1627, 1632, дэпутат Трыбунала ВКЛ у 1639, 1644, 1653.
Меў сына Пятра.