wd wp Пошук: ⬜

Крычаўскае вадасховішча

Кры́чаўскае вадасховішча, Маладзёжнае возера — вадасховішча ў Магілёўскай вобласці Беларусі ў межах горада Крычаў.

Створана ў 1977 годзе на месцы выпрацаванага кар’ера, які застаўся пасля здабычы сыравіны цэментна-шыферным камбінатам і затопленага грунтовымі водамі. Плошча паверхні вадасховішча 0,4 км², даўжыня 1 км, найбольшая шырыня 0,8 км. Найбольшая глыбіня 27 (57[1]) м, сярэдняя 15 м. Аб’ём вады каля 6 млн м³. Лішкі вады па трубаправодзе даўжынёй каля 2 км зліваюцца ў раку Сож.

Вадасховішча выкарыстоўваецца ў рэкрэацыйных мэтах. З’яўляецца зонай адпачынку.

Цікавыя факты

У 1970 годзе кар’ер быў выкарыстаны ў якасці здымачнай пляцоўкі фільма «Магіла льва»[1].

Зноскі

1 2 3 Озеро Молодёжное // Праект Krichev.info

Літаратура

Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш.. — Мн.: БелЭн, 1999. — Т. 8. — С. 524. — 576 с. — 10 000 экз. — ISBN 985-11-0144-3.
Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз. — С. 92.