wd wp Пошук: ⬜

Квебекскі акт

Квебекскі акт (The Quebec Act) - гэта закон аб паляпшэнні кіравання правінцыяй Квебек, прыняты 7 кастрычніка 1774 г. Гэты акт нічым не абмяжоўваў жыццё 13 англамоўных калоній уздоўж Атлантыкі, але часам яго адносяць да ліку невыносных законаў, якія былі прыняты як непапулярныя меры брытанскага ўрада ў адказ на адсутнасць рэакцыі адміністрацыі калоніі Масачусэтс на Бостанскае чаяпіцце[1].

Асноўныя ідэі закона

• Павялічэнне тэрыторыі правінцыі Квебек за кошт некаторых навакольных зямель, якія не належылі ніякім правінцыям ці калоніям.
• Каталікі і пратэстанты Квебека атрымоўвалі роўныя грамадзянскія правы.
• Для каталікоў была спрошчана формула судовай прысягі, яна была зроблена больш нейтральнай і не прымушала іх парушаць патрабаванні рэлігійнага сумлення.
• Брытанскія крымінальныя законы працягвалі дзейнічаць у Канадзе, але мясцовыя губернатары і іх намеснікі маглі ўносіць у іх небходныя змяненні і дапаўненні.
• Для кіраўніцтва Квебекам з ліку мясцовых жыхароў кароль абіраў Савет, у якім пастаянна павінны былі працаваць ад 17 да 23 членаў, кароль, у згадненні з губернатарам або віцэ-губернатарам Правінцыі, таксама меў паўнамоцтвы папаўняць іх рады, калі хто-небудзь з гэтых дарадцаў адсутнічаў, пімраў ці быў змешчаны з пасады[2]. Савет Квебека не меў права ўсталёўваць падаткі акрамя часовых збораў на мясцовыя патрэбы горада ці мясцовасці (напр., будаўніцтва моста, рамонт дарогі).
• Пакаранні з рэлігійныя злачынствы абмяжоўваліся штрафам альбо 3-месячным пазбаўленнем волі.
• Ніякі закон не мог быць прыняты Саветам Квебека, калі на паседжанні прысутнічала меншасць членаў, выключэнні складалі тэрміновыя сітуацыі.

Рэакцыя на Акт

У новага закона былі і прыхільнікі (пераважна сярод тых, каго гэты закон надзяляў больш шырокімі правамі і праціўнікі (у асноўным сярод тых пратэстантаў, якія не жадалі надзялення каталікоў роўнымі грамадзянскімі правамі з пратэстанцкімі падданымі брытанскага караля), але асноўная маса жыхароў Квебека як і іншых правінцый Канады станоўча ўспрынялі яго. Гэта выразілася ў адмове Квебека паслаць сваіх прадстаўнікоў на Першы і Другі Кантынентальны Кангрэс і падтрымаць Амерыканскую ревалюцыю, калі войскі Дж. Вашынгтона рабілі паход на Манрэаль.

Гл. таксама

• Бостанскі партовы акт
• Масачусэцкі ўрадавы акт
• Акт ажыццяўлення правасуддзя
• Кватэравальны акт

Зноскі

1. ↑ У рускім артыкуле “Невыносимые законы” гэты закон пералічаны сярод невыносных, а ў адпаведным артыкуле на англійскай - The Intolerable Acts - ён не ўзгаданы
2. ↑ Гэта палажэнне было адменена Канстытуцыйным актам 1791 г.

Дакументы

The Quebec Act Yale Law School. Lilian Goldman Law Library. The Avalon Project. Documents in Law, History and Diplomacy.

Невыносныя законы ў беларускім перакладзе

Тэмы гэтай старонкі (4):
Катэгорыя·Гісторыя ЗША
Катэгорыя·Гісторыя Канады
Катэгорыя·Акты парламента Вялікабрытаніі
Катэгорыя·Квебек (правінцыя)