Каўказская аўчарка — парода сабак, раёнам паходжання якіх з’яўляецца Каўказ. З’яўляецца адной з самых старажытных парод, існуе ўжо больш за дзве тысячы гадоў.
Сабака вышэй сярэдняга росту. У карку рост дасягае 75 см. Вага дарослага самца складае 45-70 кг. Адна з найбуйнейшых парод сабак. Поўсць у каўказскіх аўчарак дастаткова густая, сабакі лёгка пераносяць моцныя маразы і выглядаюць яшчэ больш масіўнымі за кошт густога падшэрстка, асабліва ў зімовы перыяд. Па даўжыні поўсці вылучаюць тры тыпы каўказскіх аўчарак — кароткашэрсныя, прамежкавыя і даўгашэрсныя. Першы тып з’яўляецца найменш распаўсюджаным, самы папулярны — трэці. Афарбоўка воўча-шэрая, бурая, палевая, з маскай і без яе, рудая і стракатая.