Касцянец[1][2][3] (Asplénium) — род папараці сямейства касцянцовыя.
Травяністыя наземныя, наскальныя або эпіфітныя невысокія расліны з пёрыстымі або вільчатымі лісцінкамі і кароткімі вертыкальнымі або паўзучымі карэнішчамі, у тропіках — часта буйныя, з пёрыстымі ці суцэльнымі лісцінамі даўжынёй да 2 м і тоўстымі карэнішчамі з масай зблытаных каранёў.
Сорусы лінейныя, уздоўж бакавых жылак ніжняй паверхні ліста, зачыненыя лінейным індузіем.