Карнель дэ Ліён, таксама Карнель з Гаагі (фр. Corneille de Lyon, Corneille de La Haye — Карнель дэ ла Э; каля 1500, Гаага — 8 лістапада 1575, Ліён) — нідэрландскі (па іншых азначэннях — фламандскі) жывапісец-партрэтыст, большую частку жыцця які працаваў у Францыі, адзін з самых таленавітых і плённых майстроў эпохі Адраджэння.
Звесткі аб біяграфіі мастака вельмі бедныя. Першая згадка пра яго адносіцца да 1534 года, і ў гэты час ён ужо знаходзіўся ў Ліёне. Вядома, уласна кажучы, толькі яго імя Карнель: дэ Ліён — гэта мянушка па месцы жыхарства, дадзенае яму ў XIX ст. біёграфам Анры Бушо.
Стаў прыдворным мастаком караля Генрыха II і Кацярыны Медычы. У 1551 годзе ён згадваецца як мажордам караля. У майстэрні Карнеля працавалі яго сын і дачка.