Карл Фелікс (італ.: Carlo Felice; 6 красавіка 1765, Турын, П’емонт — 27 красавіка 1831, Турын) — сардзінскі кароль, чацвёрты сын Віктара Амадэя III.
Стаў спадчыннікам свайго брата Віктара Эмануіла I, які адрокся ад прастола ў выніку рэвалюцыі 1821 года, супраць якой Карл, як прыхільнік сістэмы Метэрніха, шматразова пратэставаў. Паўстанцы былі разбіты аўстрыйцамі, у суправаджэнні якіх Карл увайшоў у Турын (1821). Яго кіраванне было рэакцыйным.
З 1807 года ў шлюбе з Марыяй Крысцінай Бурбон-Сіцылійскай (1779—1849), дачкой караля Абедзвюх Сіцылій Фердынанда I. Памёр бяздзетным.
Папярэднік: Віктар Эмануіл I |
Кароль П'емонта і Сардзініі 1821-1831 |
Пераемнік: Карл Альберт |