У Вікіпедыі ёсць артыкулы пра іншых асоб з прозвішчам Наўроцкі. Караль Наўроцкі (нар. 3 сакавіка 1983, Гданьск) — польскі гісторык[2]. Цяпер ён узначальвае Інстытут нацыянальнай памяці (ІНП)[3]. У 2017 – 2021 гг. з’яўляўся дырэктарам Музею другой сусветнай вайны ў Гданьску[4][5].
Караль Наўроцкі — выпускнік гістарычнага факультэта Гданьскага ўніверсітэта, дзе ў 2013 годзе абараніў доктарскую дысертацыю. У 2009–2017 гг. працаваў у Інстытуце нацыянальнай памяці, у 2013–2017 гг. узначальваў Аддзяленне народнай адукацыі ў Гданьску ІНП. У 2011–2017 гг. кіраваў Седлецкім раённым саветам у Гданьску. У 2017 годзе быў прызначаны дырэктарам Музею другой сусветнай вайны ў Гданьску. Гэтую пасаду ён займаў да 2021 года, пасля чаго вярнуўся ў Інстытут нацыянальнай памяці і ў чэрвені 2021 года стаў яго віцэ-прэзідэнтам. У ліпені 2021 года ён заняў пасаду новага кіраўніка Інстытута нацыянальнай памяці пасля абрання Сoймам і зацвярджэння Сенатам Рэспублікі Польшча. Наўроцкі з’яўляецца аўтарам альбо суаўтарам некалькіх кніг і шматлікіх навуковых і навукова-папулярных артыкулаў па тэме антыкамуністычнай апазіцыі, арганізаванай злачыннасці ў ПНР і гісторыі спорту.
У 2016 годзе ўзнагароджаны Бронзавым Крыжам Заслугі Рэспублікi Польшча. У 2021 годзе ўзнагароджаны Срэбным Крыжам Заслугі.