У гэтага паняцця ёсць і іншыя значэнні, гл. Сільвій. Капіс Сільвій — міфічны цар Альба-Лонгі.
Яго папярэднікам і бацькам паводле Ціта Лівія быў Аціс Сільвій. У «Метамарфозах» Авідзія ён з’яўляецца пад імем Эпіт, а ў Дзіянісія Галікарнаскага згадваецца як Капет. Капіс кіраваў на працягу 28 гадоў. З сачынення Дзіянісія Галікарнаскага атрымліваецца, што гэта быў перыяд 965—937 гадоў да н.э. Пераемнікам Капіса быў яго сын Капет Сільвій.