У гэтага паняцця ёсць і іншыя значэнні, гл. Мяшок. Кандытарскі мяшок — прадмет кухоннага начыння, прызначаны для дакладнага нанясення дэкаратыўных дэталяў з узбітых вяршкоў, кандытарскіх крэмаў, маянэзу ці надання формы цесту, напрыклад для печыва ў формачках ці на блясе. Выконваецца з непрамакальнай тканіны і мае конусападобную форму. Кандытарскі мяшок дапаўняюць некалькі насадак-наканечнікаў для прадуктаў рознай кансістэнцыі з рознага памеру адтулінамі, часам фігурнай формы.