У Вікіпедыі ёсць артыкулы пра іншых асоб з прозвішчам Гіпіус. Зінаіда Мікалаеўна Гіпіус (у замужжы Меражкоўская; 8 [20] лістапада 1869, горад Бялёў, Расійская імперыя — 9 верасня 1945, Парыж, Францыя) — руская паэтэса і пісьменніца, драматург і літаратурны крытык, адна з бачных прадстаўнікоў «Срэбнага стагоддзя» рускай культуры. Гіпіус, стварыла з Д. С. Меражкоўскім адзін з самых арыгінальных і творча прадуктыўных шлюбных саюзаў у гісторыі літаратуры, лічыцца ідэолагам рускага сімвалізма.