Зборная Расійскай імперыі па футболе — нацыянальная футбольная зборная Расійскай імперыі, якая прадстаўляла краіну на міжнародных спаборніцтвах па футболе з 1910 па 1914 гады.
Першую сустрэчу каманда правяла афіцыйна ў 1911 годзе, аднак дзве першыя фактычныя гульні зборнай адбыліся ў 1910 годзе (16 і 23 кастрычніка) супраць зборнай Чэхіі. Тады ж зборная Расійскай імперыі здабыла свае першыя дзве перамогі з лікам 5:4 (2:3) і 1:0 (0:0) адпаведна[2]. Надалей зборная правяла шэраг сустрэч з рознымі нацыянальнымі камандамі, але ў афіцыйных гульнях не здабыла ніводнай перамогі. Некалькі перамог яна здабыла як зборная Масквы (у тым ліку і «сухую» перамогу над Нарвегіяй з лікам 3:0 у 1913 годзе).