Жук-насарог (Oryctes nasicornis) — від жукоў з сямейства пласцініставусых.
Цела даўжынёй 25—40 мм, карычнева-бурае, бліскучае. У самца на лбе доўгі выгнуты рог, на пярэдняспінцы трохзубчасты папярочны бугарок.
Лічынкі даўжынёй да 80 мм.
Пашыраны ва ўмеранай зоне Еўразіі, акрамя тайгі.
Лічынкі жывуць у гнілой драўніне, у кучах гною, дуплах лісцевых дрэў, ва ўгноенай глебе цяпліц, парнікоў, аранжарэй; развіваюцца 4 гады.
Жукі не кормяцца.