Дом Амалье (катал.: Casa Amatller) — барселонскі будынак у стылі паміж неаготыкай і мадэрнам. Свой цяперашні выгляд атрымаў паміж 1898 і 1900 годам па праекце архітэктара Ж. Пуч-і-Кадафалька.
Дом Амалье знаходзіцца на вуліцы Пасеч-дэ-Грас (Passeig de Gràcia, 41) у раёне Эшампле побач з домам Бальё і домам Леа Марэра і разам з імі з’яўляецца часткай «Кварталу нязгоды», названага так з-за стылістычнай неаднастайнасці будынкаў.
Дом, пабудаваны ў 1875 годзе, у 1898 годзе быў набыты кандытарам Антоніа Амалье і яго рэканструкцыя была даручана архітэктару Ж. Пуч-і-Кадафальку. У ходзе работы, у якой ўдзельнічала цэлая група мастакоў і майстроў прыкладнога мастацтва, была выкананая перапланіроўка і мастацкае афармленне дома. Будынак мае незвычайны ступеністы франтон, а на яго фасадзе размешчаны алегарычны партрэт домаўладальніка.
У 1976 годзе каралеўскім указам дом Амалье быў абвешчаны помнікам нацыянальнага значэння.