Дом Адаміні — будынак у Санкт-Пецярбургу на вуглу Марсава поля і набярэжнай ракі Мойкі, помнік архітэктуры федэральнага значэння.
Самы паўднёвы будынак квартала на заходняй мяжы Марсава поля. Ад імя заснавальніка купца Антонава будынак часам называюць домам Антонава, а агульнапрызнаную назву дом Адаміні атрымаў ад імя яго архітэктара, Даменіка Адаміні. Трохпавярховы даходны дом быў пабудаваны на трапецападобным участку, набытым Антонавым у сям’і Сцяпана Апраксіна. Вялікая аснова трапецыі выходзіць на Марсава поле, меншая — на Аптэкарскі завулак. Фасады будынка аформленыя цэнтральнымі рызалітамі, другія і трэція паверхі якіх упрыгожаны васьмікалоннымі порцікамі. Паўднёвы фасад замыкае перспектыву канала Грыбаедава ад Неўскага праспекта, від быў часткова перакрыты пасля пабудовы Спаса на Крыві. Паўднёва-ўсходні вугал будынка скруглены, 2 верхнія паверхі ўпрыгожаны пілястрамі. Па перыметры будынка праходзіць пышны ляпны фрыз, на порціках і паўднёва-ўсходнім вугле — з грыфонамі. Першы паверх паўднёвага фасада Антонаў збіраўся выкарыстаць для гандлю, і таму ён аформлены аркадай.
Тэмы гэтай старонкі (5):