«Дзяўчынка шукае бацьку» — фільм рэжысёра Льва Голуба, зняты на кінастудыі Беларусьфільм ў 1959 годзе па аднайменнай п’есе Яўгена Рыса.
Фільм пра маленькую дачку легендарнага партызанскага камандзіра бацькі Панаса, якая падчас Вялікай Айчыннай вайны засталася адна на зямлі, акупаванай гітлераўцамі. Дзяўчынку ў беларускім лясным доміку хавае стары ляснік, гітлераўцы шукаюць яе, спадзеючыся выкарыстоўваць Аленку ў якасці закладніцы. Унук загінулага лесніка — Янка, рызыкуючы ўласным жыццём, ратуе дачку партызана ад нацыстаў. Прыгоды, звязаныя з вызваленнем з гестапа 4-х гадовай дзяўчынкі, ляглі ў аснову фільма.