У Вікіпедыі ёсць артыкулы пра іншых асоб з прозвішчам Сідарэнка.
Дзяніс Сідарэнка (нар. 10 сакавіка 1976, Мінск) — беларускі дыпламат.
У 1998 годзе скончыў з адзнакай Беларускі дзяржаўны ўніверсітэт па спецыяльнасці міжнародныя адносіны. Мае дыплом Міжнароднай праграмы палітычных і сацыяльных навук Інстытута палітычных навук г. Парыжа (1996—1997 гг.).
1998—2002 гг. — Супрацоўнік упраўлення агульнаеўрапейскага супрацоўніцтва, дэпартамента Еўропы МЗС Беларусі.
2002—2005 гг. — Намеснік кіраўніка Пастаяннай дэлегацыі Рэспублікі Беларусі ў АБСЕ, г. Вена.
2005—2009 гг. — Начальнік аддзела АБСЕ і Савета Еўропы МЗС Беларусі.
2009—2013 гг. — Саветнік-пасланнік Пасольства Рэспублікі Беларусь у Аўстрыі / намеснік Пастаяннага прадстаўніка Беларусі пры міжнародных арганізацыях у г. Вена.
2013—2016 гг. — Начальнік упраўлення агульнаеўрапейскага супрацоўніцтва МЗС Беларусі.
з 2016 года — Надзвычайны і Паўнамоцны Пасол Рэспублікі Беларусь у Федэратыўнай Рэспубліцы Германія[1].
Жанаты, мае дачку.
Валодае беларускай, рускай, англійскай, французскай і нямецкай мовамі.