У гэтага паняцця ёсць і іншыя значэнні, гл. Дзюба (значэнні).
Дзюба (лац.: rostrum) — орган птушак, утвораны падоўжанымі бяззубымі сківіцамі, апранутымі ў рагавы чахол - рамфатэкай. Функцыі дзюбы вельмі разнастайныя, што адлюстроўваецца ў разнастайнасці яе формаў. Служыць для схоплівання здабычы, яе раздзялення, для дотыку, нападу і абароны, перамяшчэння, для дзяўблення, капання, зандзіравання грунта, а таксама для складаных дзеянняў, звязаных з даглядам за апярэннем і пабудовай гнязда і інш.