Джэйш аль-Іслам (араб. جيش الإسلام — «Армія ісламу») — кааліцыя сірыйскіх антыўрадавых узброеных груповак iсламiсцкага напрамку, якая сфармавалася восенню 2013 года.
Да красавіка 2018 года ўяўляла сабой найбольш магутную ўзброеную групоўку ў анклаве Усходняя Гута, у непасрэднай блізкасці да Дамаска, які супернічае за ўплыў у рэгіёне з групоўкамі «Файлак ар-Рахман» і «Фронт аль-Нусра». Штаб-кватэра і асноўныя сілы групоўкі дыслакаваліся ў горадзе Дума. У красавіку 2018 года ў выніку наступу ўрадавых сілаў была вымушаная здаць пазіцыі і цяжкае ўзбраенне і эвакуявацца на поўнач правінцыі Алепа, кантраляваную турэцкімі УС і Свабоднай сірыйскай арміяй.
Падтрымліваецца Саудаўскай Аравіяй.
Уваходзіць у спіс тэрарыстычных арганізацый, складзены сірыйскім урадам[1]. У расійскі адзіны федэральны спіс тэрарыстычных арганізацый не ўключаная[2]. Прызнана тэрарыстычнай ў Іране і Егіпце[3]. Публічна асуджае ісламісцкі тэрарызм.
У маi 2016 года Расія прапаноўвала Савету бяспекі ААН прызнаць «Джэйш аль-Іслам» тэрарыстычнай групоўкай, аднак гэта прапанова не знайшла падтрымкі[4].