wd wp Пошук: ⬜

Дамінік Касакоўскі

У Вікіпедыі ёсць артыкулы пра іншых асоб з прозвішчам Касакоўскі.

Даміні́к Ко́рвін-Касако́ўскі з Ко́сакаў (1711, Коўна, цяпер Літва — 1743, Янава, цяпер Літва) — дзяржаўны дзеяч Рэчы Паспалітай.

Біяграфія

З шляхецкага роду Касакоўскіх герба «Слепаўрон». Сын Яна Мікалая Касакоўскага і Анны Скарулскай[1]. Падстароста ковенскі (1741), суддзя земскі ковенскі (1741), стольнік жамойцкі, стражнік ковенскі (1735).

Ажаніўся з Марыянай з Забелаў, з якой меў дзяцей:

Міхал Касакоўскі (1733—1798), ваявода віцебскі і браслаўскі;
Антоній Касакоўскі (1735—1798), кашталян інфлянцкі;
Юзаф Казімір Касакоўскі (1738—1794), біскуп інфлянцкі;
Шыман Марцін Касакоўскі (1741—1794), гетман польны ВКЛ;
Ганна Касакоўская (каля 1740 — ?), м. — Караль Чарнецкі, кашталян.

Усе яго сыны былі прыхільнікамі Таргавіцкай канфедэрацыі, за што ў час паўстання 1794 года падпалі пад пераслед з боку інсургентаў.

↑ M.J. Minakowski, Ci wielcy Polacy to nasza rodzina, wyd. 3, Dr Minakowski Publikacje Elektroniczne, Kraków 2008, ISBN 83-918058-5-9