Гіракастрыйскі ўніверсітэт імя Экрэма Чабэя
Гіракастрыйскі ўніверсітэт імя Экрэма Чабэя (алб.: Universiteti Eqrem Çabej i Gjirokastrës) — албанская дзяржаўная вышэйшая навучальная ўстанова са статусам універсітэта з сядзібай у горадзе Гіракастра.
Гісторыя
Вучэльня названа ў гонар албанскага мовазнаўцы і этнолага Экрэма Чабэя. Універсітэт быў створаны як універсітэт рашэннем урада Албані ад 12 лістапада 1991 года на базе Вышэйшага педагагічнага інстытута, які быў створаны ў 1971 годзе. Гэта важнейшы навучальны і навуковы цэнтр Паўднёвай Албаніі. Універсітэцкія курсы ў Гіракастры пачаліся ўжо ў 1968 годзе, калі пачаў працаваць філіял Тыранскага ўніверсітэта. Праз год, у 1969 годзе, адкрылася агранамічная школа як філіял Тыранскага сельскагаспадарчага ўніверсітэта, якая праіснавала 10 гадоў. Таксама ў 1969 годзе адкрыўся педагагічны інстытут і філіял Тыранскага спартыўнага ўніверсітэта, які дзейнічаў 5 гадоў. На аснове гэтага вопыту ў 1971 годзе пачаў сваю дзейнасць Вышэйшы педагагічны інстытут. У 1980 годзе была адкрыта біялагічна-хімічная школа, філіял Тыранскага ўніверсітэта.
Спасылкі
На Вікісховішчы пакуль няма медыяфайлаў па тэме, але Вы можаце загрузіць іх
Катэгорыя·Вікіпедыя·Шаблон «Вонкавыя спасылкі» пусты
Катэгорыя·Універсітэты паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Універсітэты Албаніі
Катэгорыя·Гіракастра
Катэгорыя·Навучальныя ўстановы, заснаваныя ў 1971 годзе