Гіпалі́т Палане́віч (псеўд.: Г.Няміга; 10 (23) ліпеня 1907, Мінскі павет, цяпер Мінскі раён — 24 кастрычніка 1997, ЗША) — беларуска грамадска-культурны дзеяч, гісторык, педагог.
Скончыў СШ у Мінску, Ленінградскі педагагічны інстытут (1932). Быў рэпрэсіраваны, у 1936—40 вязень Ухта-Іжэмскага канцлагера НКУС Комі АССР. Пасля вызвалення працаваў у школе. Падчас нямецкай акупацыі прымаў удзел у бел. нацыянальным падполлі. З 1944 у эміграцыі. У 1946—50 супрацоўнік беларускай гімназіі імя Я. Купалы ў Міхельсдорфе (Заходняя Германія). З 1950 жыў у ЗША. Працаваў у сістэме нью-ёркскіх бібліятэк. Быў супрацоўнікам Інстытута па вывучэнні гісторыі і культуры СССР (Мюнхен).