Гры́ўчык — рака ў Капыльскім раёне Мінскай вобласці Беларусі, правы прыток ракі Выня (басейн Нёмана).
Даўжыня ракі 17 км[1]. Плошча вадазбору 57 км². Сярэдні нахіл воднай паверхні 1,4 м/км. Пачынаецца каля вёскі Бадзяжы, упадае ў Выню на паўночнай ускраіне вёскі Харытонаўка. У верхнім цячэннні называецца Прорва. Ад вытоку на працягу 12 км рэчышча каналізаванае. Каля вёсак Старыца і Харытонаўка створаны сажалкі.