Грыхальва (ісп.: Río Grijalva) — рака на паўднёвым усходзе Мексікі. З’яўляецца адной з найбуйнейшых рэк краіны, даўжыня яе складае 480 км. Упадае ў Мексіканскі заліў. Рачны басейн складае 134 400 км². На рацэ створаны каскад з 4 ГЭС сумарнай устаноўленай магутнасцю 4,8 млн кВт. Найбуйнейшая з гэтых ГЭС — Чыкаасен (2,4 млн кВт).
Рака названая ў гонар іспанскага канкістадора Хуана дэ Грыхальва, які наведаў гэты раён у 1518 годзе.