Грасета (італ.: Grosseto) — горад у італьянскім рэгіёне Таскана, на поўдзень ад Сіены, за 14 км ад берага Тырэнскага мора. Адміністрацыйны цэнтр аднайменнай правінцыі і галоўны горад вобласці Марэма. Калісьці вакол мястэчка распасціраліся малярыйныя балоты і азёры, затым раўніна была асушана, але да нашых дзён захаваліся мінеральныя крыніцы, паблізу якіх зараз размешчаны курорт Тэрмэ Сатурнія. Насельніцтва — каля 80 тыс. жыхароў.
Заступнікам горада шануецца святы Лаўрэнцій, святкаванне 10 жніўня.