Голуэйскі ірландскі нацыянальны ўніверсітэт (ірл.: Ollscoil na hÉireann, Gaillimh; OÉ Gaillimh) — ірландская дзяржаўная даследчая вышэйшая навучальная ўстанова са статусам універсітэта з сядзібай у горадзе Голуэй.
Гэта адзін з самых прэстыжных універсітэтаў Ірландыі. Універсітэт быў узнагароджаны пяццю зоркамі за выдатную якасць і ўваходзіць у лік 1 % найлепшых універсітэтаў свету ў адпаведнасці з сусветным рэйтынгам універсітэтаў QS 2018 года. Універсітэт быў заснаваны ў 1845 годзе як Голуэйскі каралеўскі каледж, пазней вядомы як Голуэйскі ўніверсітэцкі каледж.