Герб Рэспублікі Экватарыяльная Гвінея быў прыняты 12 кастрычніка 1968 г. пры абвяшчэнні незалежнасці краіны ад Іспаніі.
У срэбным шчыце намалявана зялёнае баваўнянае дрэва (бомбакс), над шчытом па дузе акружнасці размешчаны шэсць залатых шасціканцовы зорак, якія сімвалізуюць складнікі тэрыторыі краіны - яе кантынентальная частка (Рыа-Муні) і 5 астравоў (Біякам, Анабон, Карыска, Вялікі Элабей і Малы Элабей). Пад шчытом на срэбнай стужцы напісаны чорнымі літарамі дэвіз рэспублікі «UNIDAD PAZ Y JUSTICIA» (Адзінства, мір і справядлівасць).