гербавыя фігуры — усе выявы, размешчаныя на палях герба. Гербавыя фігуры падпадзяляюць на геральдычныя — адмысловыя сімвалы, якія мелі ўмоўнае значэнне і негеральдычныя — усе астатнія выявы, капіраванныя з рэчаіснасці: жывёлы, расліны, зброя і г.д. або з міфалогіі — гарпіі, грыфоны, цмокі і г.д.
Гербавымі фігурамі звычайна ўпрыгожваліся шаломы, сюрко, наплечныя шчыткі, часам іх наносілі на наміткі, а таксама на конскія гунькі.