Георгій Сямёнавіч Юньеў (5 мая 1898, г. Санкт-Пецярбург (па некаторых звестках г. Волагда), Расія — 1989,г. Мінск) — фізіёлаг. Доктар біялагічных навук (1949), прафесар (1951).
Скончыў Казанскі дзяржаўны ўніверсітэт (1929).
Працаваў у Інстытуце фізіялогіі АН СССР (1930—1948, загадчык электрафізіялагічнай лабараторыі), Інстытуце псіхіятрыі Міністэрства аховы здароўя СССР (1948—1950, загадчык лабараторыі), Беларускім дзяржаўным універсітэце (з 1950, біялагічны факультэт, кафедра фізіялогіі чалавека і жывёл, у 1950—1954, 1957—1971 — загадчык кафедры).
Навуковыя інтарэсы: вывучэнне цэнтральнай нервовай, нервова-мышачнай, дыхальнай і сардэчна-сасудзістай сістэм з выкарыстаннем электрафізіялагічных метадаў даследавання.