Гарадское фэнтэзі — літаратурны жанр, заснаваны на выкарыстанні гарадской міфалогіі. Гарадское фэнтэзі злучае ў сабе рысы такіх жанраў як фэнтэзі, містыка і рэалізм, і мае сувязі з самымі разнастайнымі літаратурнымі напрамкамі — ад рамантычнай прозы да побытапісання, ад дэтэктыва да рамана жахаў, ад містыкі да сацыяльна-філасофскага даследавання. Часам пад гарадскім фэнтэзі разумеюць фэнтэзі, дзеянне якога адбываецца ў сучасным антуражы[1].