У Вікіпедыі ёсць артыкулы пра іншых асоб з прозвішчам Тарасава. Галіна Генадзеўна Тарасава (29 чэрвеня 1947, Мінск) — беларускі архітэктар.
Скончыла Беларускі політэхнічны інстытут у 1971 годзе. З 1973 г. — аспірант, выкладчык кафедры тэорыі і гісторыі архітэктуры Беларускага політэхнічнага інстытута, з 1984-га — выкладчык, з 1986 года — загадчыца аддзялення Мінскага архітэктурна-будаўнічага тэхнікума.
Член Саюза архітэктараў СССР з 1978 года. Пражывае ў Мінску.
Удзельнічала ў падрыхтоўцы Атласа помнікаў архітэктуры і мемарыяльных комплексаў Беларусі (1983).