Галоўны корпус МДУ імя А. А. Куляшова — будынак у Магілёве, размешчаны па вуліцы Касманаўтаў, 1, на рагу з вуліцай Якубоўскага. Галоўны корпус інстытута пабудаваны ў 1967 годзе па праекце архітэктара А. Кучарэнкі.
5-павярховы прамавугольны ў плане будынак, у якім размешчаны рабочыя і навучальныя кабінеты, бібліятэка, дапаможныя памяшканні. Аб’ёмы спартыўнай і глядзельнай зал на 800 месцаў арганічна ўпісаны ў асноўны аб’ём. Фасады вырашаны ў простых і лаканічных архітэктурных формах з выкарыстаннем магутных вертыкальных пілонаў, якія разам з парталам галоўнага ўваходу надаюць будынку манументальнасць.