Галандскі ваенны кантынгент у Іраку — падраздзяленне Узброеных сіл Нідэрландаў, якое ў 2003—2005 гг. прымала ўдзел у вайне ў Іраку.
У ліпені 2003 года ўрад Галандыі накіраваў ваенны кантынгент у Ірак, які прыбыў у паўднёвую частку краіны. У жніўні ЗША перадалі кіраванне горадам Эс-Самава галандскім войскам, тут была створана ўмацаваная ваенная база «Camp Smitty». Яна стала месцам пастаяннай дыслакацыі галандскіх войскаў. У гэты час гэта была спакойная правінцыя і асноўнымі задачамі галандскіх войскаў з’яўляліся ахова важных аб’ектаў інфраструктуры і дапамога мясцовай паліцыі. Агульная колькасць галандскіх войскаў у Іраку першапачаткова складала 1100 вайскоўцаў[1].
У лістападзе 2004 года галандскім урадам было прынята рашэнне аб вяртанні войскаў з Ірака пасля 15 сакавіка 2005 года, што выклікала незадаволенасць ЗША[2]. Тым не менш, у пачатку сакавіка 2005 года ваенная база «Camp Smitty» была перададзена брытанскім войскам, а ў другой палове месяца пачаўся вывад галандскіх войскаў і эвакуацыя тэхнікі і ваеннай маёмасці.
За дваццаць месяцаў праз Ірак прайшло каля сямі тысяч вайскоўцаў Нідэрландаў. Страты галандскага кантынгент склалі 2 вайскоўца забітымі і не менш за 10 параненымі[3][4][5][6]. У пералічаныя вышэй страты не ўключаны страты “кантрактнікаў” сіл кааліцыі (супрацоўнікі замежных прыватных ваеннях і ахоўных кампаній, кампаній па размініраванні, аператары авіятэхнікі, а таксама іншы грамадзянскі персанал, які дзейнічае ў Іраку з дазволу і ў інтарэсах краін кааліцыі)[7]. Па дадзеных з адкрытых крыніц, у ліку страт «кантрактнікаў» міжнароднай кааліцыі ў Іраку — не менш за два забітых грамадзян Нідэрландаў[8][9].