Га́брыэла Ко́ўкалава (чэшск.: Gabriela Koukalová, у дзявоцтве Со́ўкалава чэшск.: Soukalová; нар. 1 лістапада 1989, Ябланец-над-Нісаў, Чэхаславакія) — біятланістка з Чэхіі, сярэбраны прызёр Алімпійскіх гульняў 2014 года ў мас-старце, прызёр чэмпіянату свету, удзельніца Алімпійскіх гульняў 2010 года.[2] Уладальніца Вялікага крыштальнага глобуса сезона 2015/2016.
У біятлоне з 2005 года. Маці Габрыэлы — Габрыэла Соўкалава-Свабодава — некалі выступала ў лыжных гонках, прадстаўляючы Чэхаславакію і ў 1984 годзе стаўшы прызёрам Алімпійскіх гульняў у эстафетнай гонцы,[3] а пазней аказвала дачкі дапамогу ў трэніроўках у якасці асабістага трэнера.