ГЭС «Чыжоўка» — малая гідраэлектрастанцыя на рацэ Свіслач каля вадаскіду Мінскай ЦЭЦ-3 (Чыжоўскае вадасховішча) у межах г. Мінска. Вызначаная магутнасць 260 кВт, плануемая выпрацоўка электрычнасці — 1,7 млн кВт*г штогод.[1]. Уведзеная ў эксплуатацыю ў маі 2010 г.[2].
Будаўніцтва планавалася пачаць у ліпні 2009[3], пачалося ў ліст. 2009 г., работы ажыццяўляў «Мінсквадбуд». Нарматыўны тэрмін будаўніцтва — 9 месяцаў. Устаноўлена 2 турбіны польскай вытворчасці. Кошт абсталявання каля 2 млрд руб., агульны кошт праекту каля 5 млрд руб. (2009). Будаўніцтва фінансуе «Мінскводаканал». Тэрмін акупнасці — каля 10 гадоў.[1] Міні-ГЭС здольная працаваць у аўтаномным рэжыме і не патрабуе абслугоўваючага персаналу[4].