Вішаградскі мост
Вішаградскі мост, ці мост Мехмеда-пашы, — 11-пралётны каменны мост даўжынёй 180 метраў, перакінуты праз раку Дрыну ў баснійскім горадзе Вішаградзе. Уяўляе сабой значны помнік сярэднявечнага турэцкага інжынернага мастацтва. Прынята лічыць, што мост быў выбудаваны ў 1577 г. па праекце самога Сінана, а замоўцам выступіў выхадзец гэтых краёў, Мехмед-паша Сокалавіч.
Гісторыя
Апроч эстэтычных і інжынерных добрых якасцей, Вішаградскі мост вядомы сваёй бурнай гісторыяй. Падчас Першай сусветнай вайны тры пралёты моста былі разбураны, падчас Другой сусветнай вайны пацярпелі яшчэ пяць пралётаў.
Прызнанне
- Сербскі пісьменнік Іва Андрыч вынес мост у назву свайго самага вядомага рамана «Мост на Дрыне», за які ён быў ганараваны Нобелеўскай прэміяй.
- У 2007 г. ЮНЕСКА вырашыла ўключыць Вішаградскі мост у спіс помнікаў Сусветнай спадчыны.
Спасылкі
-
На Вікісховішчы ёсць медыяфайлы па тэме Вішаградскі мост
Катэгорыя·Масты Босніі і Герцагавіны
Катэгорыя·Сусветная спадчына ў Босніі і Герцагавіне
Катэгорыя·Рака Дрына
Катэгорыя·Асманская архітэктура