Вільха Ільмары Юлёнен (фінск.: Vilho Ilmari Ylönen; 31 мая 1918 — 8 сакавіка 2000) — фінскі стралок, прызёр Алімпійскіх гульняў.
Нарадзіўся ў Ханкасалмі. У 1948 годзе на зімовых Алімпійскіх гульнях у Санкт-Морыцы ён прыняў удзел у паказальных спаборніцтвах ваенных патрулёў, дзе фінская каманда заняла другое месца. У 1952 годзе ён прыняў удзел у Алімпійскіх гульнях у Хельсінкі і заваяваў сярэбраны медаль у стральбе з малакалібернай вінтоўкі з трох палажэнняў на дыстанцыі 50 м. У 1956 годзе на Алімпійскіх гульнях у Мельбурне ён заваяваў бронзавы медаль у стральбе з вінтоўкі з трох палажэнняў на дыстанцыі 300 м. Вільха Юлёнен таксама прымаў удзел у Алімпійскіх гульнях 1960 і 1964 гадоў, але медалёў не заваяваў.