У Вікіпедыі ёсць артыкулы пра іншых асоб з прозвішчам Галавачоў. Віктар Рыгоравіч Галавачоў (11 кастрычніка 1937, Новакузнецк) — расійскі і беларускі архітэктар.
Скончыў у 1961 годзе Новасібірскі інжынерна-будаўнічы інстытут. Працаваў у праектных арганізацыях Новакузнецка, Віцебска, Гомеля, з 1980 года — у Сургуце.
Член Саюза архітэктараў СССР з 1968 года. Пражывае ў Сургуце.
Асноўныя працы: лабараторны корпус Заходне-Сібірскага геалагічнага ўпраўлення (1961—1968, у аўтарскім калектыве) у Новакузнецку, Дом палітасветы (1973, у аўтарскім калектыве), Будбанк БССР па вул. Сялянскай, 31 (1974), паліклініка УУС (1975), прычыгуначны сартавальны паштамт (1979) у Гомелі.
2-я і 3-я прэміі на Усесаюзным конкурсе за помнік-абеліск у гонар 250-годдзя ўз’яднання Хакасіі і Расіі.