wd wp Пошук: ⬜

Віктар Мікалаевіч Дронаў

У Вікіпедыі ёсць артыкулы пра іншых асоб з прозвішчам Дронаў.

Віктар Мікалаевіч Дронаў (3 лістапада 1940 — 15 лістапада 2013) — беларускі і расійскі ваенны ўрач. Кандыдат медыцынскіх навук (1991). Заслужаны ўрач Беларускай ССР (1987). Заслужаны ўрач Расійскай Федэрацыі (1997)[1].

Біяграфія

Выпускнік факультэта падрыхтоўкі ваенных урачоў для ракетных і сухапутных войскаў Ваенна-медыцынскай акадэміі імя С. М. Кірава ў Ленінградзе (1972). З 1977 года да 1988 года — начальнік медыцынскай службы розных ваенных падраздзяленняў і акруг у Беларускай ССР. У час аварыі на Чарнобыльскай АЭС кіраваў дзеяннямі медыцынскага персаналу ваенных медыцынскіх часцей. З 1988 года да 1997 года — намеснік начальніка Ваенна-медыцынскай акадэміі[2].

Генерал-лейтэнант медыцынскай службы запасу. Старшыня Савета ветэранаў Ваенна-медыцынскай акадэміі імя С. М. Кірава[1].

Навуковая дзейнасць

Галіна навуковых даследаванняў: праблемы, звязаныя з медыцынай катастроф і ацэнка асяроддзявых санітарных страт ад тэхнагеннай зброі[1].

Аўтар звыш 150 друкаваных прац, прысвечаных розным аспектам арганізацыі і тактыкі медыцынскага забеспячэння ва ўмовах катастроф[2].

Узнагароды

Заслужаны ўрач Беларускай ССР (1987).
Заслужаны ўрач Расійскай Федэрацыі (1997).

Зноскі

Літаратура

Виктору Николаевичу Дронову — 70 лет / подготовил Ишутин О. С. // Военная медицина. ― 2010. ― № 4. ― С. 157―158.