Вячаслаў Пятровіч Оргіш (нар. 28 лістапада 1949, вёска Маркаўшчына, цяпер у складзе г. Клічаў, Клічаўскі раён) — беларускі філосаф і сацыёлаг. Доктар філасофскіх навук (1992).
Скончыў БДУ (1977). З 1985 г. — у Інстытуце сацыялогіі НАН Беларусі. Навуковыя працы па праблемах філасофіі культуры, сацыялогіі рэлігіі, палітычнай сацыялогіі, гісторыі філасофскай і грамадскай думкі Беларусі.
Распрацаваў новыя канцэптуальныя падыходы да метадалогіі вывучэння філасофскай і культурна-гістарычных аспектаў хрысціянскага светапогляду, станаўлення грамадзянскай супольнасці і беларускай палітычнай культуры, як культуры палітычнага кансэнсусу асноўных сацыялістычных груп, дынамікі сацыяльна-палітычных працэсаў і развіцця нацыянальнай самасвядомасці ва ўмовах дзяржаўнай незалежнасці і суверэнітэту Рэспублікі Беларусь.