Вялікі шэры ківі (Apteryx haastii Potts, 1872) — новазеландская эндэмічная птушка. Самы буйны з відаў, якія адносяцца да адзінага роду (лац.: Apteryx) і сямейства (лац.: Apterygidae) у атрадзе ківіпадобных (лац.: Apterygiformes). Маорыйская назва хаастова ківі — Roroa.
Вышыня вялікага шэрага ківі дасягае 45 см, а вага — 3,3 кг. Днём хаваецца ў выкапанай нары, якая ўяўляе сабой сапраўдны лабірынт з некалькімі выхадамі.
Характэрнай рысай гэтага віду з’яўляецца тое, што самка адкладае толькі адно яйка ў год. Насіжваюць яго абодва бацькі.
Жыве ў гарыстай частцы Паўднёвага вострава. Сустракаецца ад горных лясоў да альпійскіх лугоў.
Вялікі шэры ківі занесены ў міжнародную Чырвоную Кнігу са статусам прыступны для нападаў (анг. Vulnerable).
Папуляцыя ацэньваецца больш чым у 20 000 асобін. З-за цяжкадаступных для завозных драпежнікаў месцаў пасялення папуляцыя гэтага віду скарачаецца павольней за ўсё - на 2% у год.