Ву Цзяньсюн (таксама вядомая як мадам Ву; 31 мая 1912, Шанхай — 16 лютага 1997, Нью-Ёрк ) — амерыканскі радыёфізік кітайскага паходжання. Удзельнічала ў Манхэтанскім праекце (узбагачэнне ўранавага паліва), паставіла (па прапанове Янг Чжэньніна і Лі Цзундаа) знакаміты «эксперымент Ву», які даказаў незахаванне прасторавай цотнасці ў слабых узаемадзеяннях.
У 1965 годзе выйшла ў свет кніга Ву «Бэта-распад», якая застаецца настольнай кнігай радыёфізікаў. У далейшым Ву даследавала малекулярныя змены ў гемаглабіне, якія выклікаюць серпападобнаклетачную анемію. Першая жанчына — прэзідэнт Амерыканскага фізічнага таварыства (у 1975). У тым жа годзе атрымала Нацыянальны медаль за заслугі ў галіне навукі. У 1990 годзе ў гонар Ву быў названы астэроід 2752 Ву Цзяньсюн. У 1997 годзе памерла ад інсульту.