У Вікіпедыі ёсць артыкулы пра іншых асоб з прозвішчам Шахаб. Вольга Васільеўна Шахаб (у дзявоцтве Кузміч; нар. 30 жніўня 1969 - ) - беларускі філолаг, перакладчык. Кандыдат педагагічных навук. Дачка філолага Вольгі Аляксандраўны Кузьміч і жонка беларускага хіміка іранскага паходжання С. Шахаба[1]. Перакладае персідскую паэзію і піша вершы.
У 1986 годзе скончыла СШ № 140 Мінска. У 1991 годзе скончыла Беларускі дзяржаўны ўніверсітэт, спецыяльнасць “Беларуская мова і літаратура, руская мова і літаратура[2]”. У 2000 г. абараніла кандыдацкую дысертацыю “Развіццё маўленчых здольнасцей вучняў у працэсе фарміравання паняцця аб складаназалежным сказе” і пазней атрымала званне дацэнта. У розны час працавала выкладчыкам беларускай мовы ў розных вну Мінска. Да верасня 2011 г. была першым прарэктарам жаночага інстытута “Энвіла”, а з верасня 2011 па 30 чэрвеня 2012 г. была яго рэктарам[2]. Працуе ў БДТУ.