Вольга Аляксандраўна Фатку́ліна (нар. 23 студзеня 1990, Чалябінск, РСФСР, СССР) — расійская канькабежка, сярэбраны прызёр Алімпійскіх гульняў 2014 года на дыстанцыі 500 метраў, чэмпіёнка свету 2013 года на дыстанцыі 1000 метраў, заслужаны майстар спорту Расіі. Рэкардсменка Расіі на 500 і 1000 метраў і ў спрынтарскім мнагабор’і.
Член алімпійскай зборнай каманды Расіі па канькабежным спорце на Алімпіядзе ў Ванкуверы. Бегла дзве дыстанцыі — 500 і 1000 метраў, заняўшы на абедзвюх 20-е месца. Чатырохразовая чэмпіёнка Расіі ў спрынтарскім мнагабор’і.
Чэмпіёнка Расіі на дыстанцыях 500 (у сезонах 2010/2011 і 2012/2013) і 1000 метраў (2010/2011).
На пятым этапе Кубка свету 2012/2013 упершыню паднялася на подыум, стаўшы трэцяй на дыстанцыі 1000 метраў. На шостым этапе Кубка свету 2012/2013 палепшыла свае асабістыя вынікі на спрынтарскіх дыстанцыях, абнавіўшы ўласныя нацыянальныя рэкорды на 1000 м (1.14,24) і ў мнагабор’і (150,140).