wd wp Пошук: ⬜

Вераніка Віткава

У Вікіпедыі ёсць артыкулы пра іншых людзей з імем Вераніка.

Ве́раніка Ві́ткава (чэшск.: Veronika Vítková; 9 снежня 1988, Врхлабі, Чэхаславакія) — чэшская біятлоністка. Сярэбраны прызёр зімовых Алімпійскіх гульняў 2014 года ў змяшанай эстафеце, двухразовая чэмпіёнка свету па біятлоне сярод юніёраў (2006, 2009).

Сям’я

Здэнек Віцька, яе дзядзька па бацьку — дзеючы біятланіст, бронзавы прызёр чэмпіянату свету (2003), чэмпіён Еўропы (2000), цётка па маці — лыжніца, удзельніца зімовых Алімпійскіх гульняў у Нагана — Яна Шалдава-Сухардава. Дзве малодшыя сястры Веранікі таксама спартсменкі.

Спартыўная кар’ера

У біятлон прыйшла ў 10 гадоў, да гэтага займалася лыжамі. У 2004 стала членам зборнай каманды. У 2005 упершыню выступіла на міжнародных спаборніцтвах. На юніёрскім чэмпіянаце свету 2006 выйграла індывідуальную гонку дзяўчын (10 км). У сезоне 2006—2007 з’явілася на спаборніцтвах сусветнага кубка. У сезоне 2007—2008 упершыню патрапіла ў трыццатку лепшых, заняўшы 14-е месца ў індывідуальнай гонцы. На чэмпіянаце свету сярод юніёраў, які праходзіў у 2008 годзе ў Рупольдзінгу, стала другой ў праследаванні.

У сезоне 2008/2009 яшчэ дзесяць разоў заняла месца ўжо сярод сарака лепшых, паказаўшы лепшы вынік у кубкавай кар’еры — 5-е месца ў індывідуальнай гонцы на чэмпіянаце свету ў карэйскім Пхёнчхане. На юніёрскім сусветным першынстве 2009 у Кенмары выйграла эстафету і стала другой ў праследаванні. Па выніках сезона 2008/2009 была выбрана лепшай біятланісткай Чэхіі[2].

Улетку 2009 года перанесла хваробу, якая сарвала трэнеровачны працэс, што стала прычынай няўдалага выступлення на этапах Кубка свету 2009/2010.

Кубак свету

2007/2008 — 60-е месца (18 ачкоў)
2008/2009 — 36-е месца (196 ачкоў)
2009/2010 — 63-е месца (53 ачка)
2010/2011 — 43-е месца (139 ачкоў)
2011/2012 — 25-е месца (336 ачкоў)
2012/2013 — 16-е месца (511 ачкоў)

Вынікі выступленняў у Кубку свету 2012/2013

2012/13 Вынікі		Эстэрсунд				Хохфільцэн			Паклюка			Аберхоф			Рупольдзінг			Антхольц			ЧС Нове-Места						Халменколен			Сочы			Ханты-Мансійск
Ачкоў	Месца	Зм	Інд	Спр	Пр	Спр	Пр	Эст	Спр	Пр	МС	Эст	Спр	Пр	Эст	Спр	МС	Спр	Пр	Эст	Зм	Спр	Пр	Інд	Эст	МС	Спр	Пр	МС	Інд	Спр	Эст	Спр	Пр	МС
384	14	3	31	9	7	52	42	10	8	5	16	11	16	2	3	20	17	47	23	15	3	10	8	14	10	19	53	DNS	14	70	—	—	—	—	—

Зноскі

↑ Olympedia — 2006.
↑ Podle očekávání: Vítková je poprvé nejlepší biatlonistkou sezony

Спасылкі

Афіцыйны сайт Архівавана 17 лютага 2013. (чэшск.)
Вераніка Віткава — профіль на сайце IBU (англ.)
Petite, shy by nature, but with a strong will to succeed(недаступная спасылка), Portrait of Veronika Vitkova — Part II Архівавана 21 ліпеня 2012. — артыкулы на сайце IBU (англ.)