Велікары́цкі сельсавет — адміністрацыйна-тэрытарыяльная адзінка ў складзе Маларыцкага раёна Брэсцкай вобласці. Цэнтр — аграгарадок Велікарыта.
Утвораны 12 кастрычніка 1940 года ў складзе Маларыцкага раёна Брэсцкай вобласці БССР. 16 ліпеня 1954 года да сельсавета далучана тэрыторыя скасаванага Масевіцкага сельсавета[1]. З 25 снежня 1962 года па 6 студзеня 1965 года ў Брэсцкім раёне.
26 сакавіка 2017 года ўтворана вёска Станцыя Закруцін[2].
Насельніцтва сельсавета паводле перапісу 2009 года — 1813 чалавек[3], з іх 86,5 % — беларусы, 8,2 % — украінцы[4].