Ваўцэ́льна[1] — возера ў Беларусі, у Лунінецкім раёне Брэсцкай вобласці, на пойме ракі Прыпяць, за 4,1 км у напрамку на паўднёвы ўсход ад вёскі Запроссе[2], на поўдзень ад вёскі Вільча.
Плошча паверхні возера 0,17 (0,144[3]) км². Даўжыня 1,65 (2[3]) км, найбольшая шырыня 0,12 (0,14[3]) км, даўжыня берагавой лініі 3,6 (4,2[3]) км. Катлавіна старычнага тыпу, моцна выцягнутая, серпападобнай формы. Схілы катлавіны маюць вышыню да 2 м. Берагі пераважна высокія, пясчаныя. Берагавая лінія слабазвілістая.
У час разводдзя возера злучаецца з Прыпяццю.