wd wp Пошук: ⬜

Васіль Рыгоравіч Каржынскі

У Вікіпедыі ёсць артыкулы пра іншых асоб з прозвішчам Каржынскі. Васіль Рыгоравіч Каржынскі (1841 — ?) — інжынер-архітэктар[1].

Біяграфія

Дзяцінства і адукацыя

Нарадзіўся ў 1841 годзе. Першапачатковую адукацыю атрымаў у Чарнігаўскай мужчынскай гімназіі. У 1856 годзе паступіў у Пецярбургскае будаўнічае вучылішча, дзе і скончыў курс у 1861 годзе па першым разрадзе[1].

Прафесійная дзейнасць

Адразу пасля вучылішча быў прызначаны на службу архітэктарскім памочнікам у падольскую будаўнічую і дарожную камісію. Потым быў справаводам праўлення, а ў 1869 годзе прызначаны малодшым архітэктарам падольскай губерні[1]. Праз год прылічыўся да Тэхнічна-будаўнічага камітэта(руск.) бел. і быў камандзіраваны ў распараджэнне Галоўнага таварыства расійскіх чыгунак(руск.) бел.. На працягу 14 гадоў быў начальнікам участка Пецярбургска-Варшаўскай чыгункі па рамонту пуцей і будынкаў. З 1884 па 1887 год быў віцебскім губернскім архітэктарам, а потым адкамандзіраваны для пабудовы казарм кавалерыйскага глухаўскага палка(руск.) бел.[1].

Пабудова гэта скончана ў 1891 годзе. З 1892 года кіраваў пабудовай казарм для 10-га сапёрнага батальёна ў г. Астралэнцы [1].

Творчасць

Пры пабудове кавалерыйскіх казармаў для 16-га драгунскага глухаўскага палка[1]:
- тры мураваных трохпавярховых эскадронных флігеля
- афіцэрскі флігель
- трохпавярховы будынак для вучэбнай і нестраявой каманды
- двухпавярховы будынак афіцэрскага сходу з гаўпвахтай і канцылярыяй
- двухпавярховы будынак бальніцы
- шэсць эскадронных стайняў
- ветэрынарны лазарэт
- палкавая баня, пральня, пякарня
- цэйхгаўз і абозны сарай
- двухпавярховы будынак майстэрняў
- мураваная царква(польск.) бел. на 500 чалавек
пры пабудове казармаў для 10-га сапёрнага батальёна ў г. Астралэнцы[1]:
- батальённы трохпавярховы флігель
- два афіцэрскіх флігеля
- прыёмны пакой і гаўпвахта
- двухпавярховы будынак майстэрняў
- пякарня, баня, кузня, стайня і іншае
- службы, паграбы, цэйхгаўз, абоз і іншае.

Зноскі

1 2 3 4 5 6 7 Барановский Г. В. Юбилейный сборник сведений о деятельности бывших воспитанников Института гражданских инженеров (Строительного училища) 1842—1892. С. 164