У Вікіпедыі ёсць артыкулы пра іншых асоб з прозвішчам Гарошка. Васіль Майсеевіч Гарошка (1 лютага 1940, в. Селішча, Пінскі раён) — Герой Сацыялістычнай Працы (1978)[1].
Кандыдат сельскагаспадарчых навук (1976). Скончыў БСГА ў 1967 годзе. З 1969 года галоўны аграном калгаса «Аснежыцкі» Пінскага раёна[1].
Потым стаў старшынёй калгаса імя Горкага, потым дырэктарам і пазней намеснікам кіраўніка Пінскага філіяла Беларускай сельскагаспадарчай акадэміі[2].
Званне Героя прысвоена за поспехі ў выкананні планаў і абавязацельстваў па павелічэнні вытворчасці і продажу дзяржаве сельскагаспадарчых прадуктаў. Член ЦК КПБ у 1971-76[1].